الشيطان في ثياب الفكر الاسلامى

لاول مرة اكتب بعيدا عن الشعر ولكن وبسبب كمية الاستفزاز الانا فيها ارجو ان يتسع صدركم وعقلكم لى
امبارح وانا بقلب على القنوات الفضائيه ولانى طبعا بحب البرامج الحواريه لقيت على قناة روتانا موسيقى المذيعه وفاء الكيلانى طبعا انا بحب وفاء جدا بحس انها حلوة ومثقفه لبقه يعنى حاجه كده مفتقدينها في مذعينا
المهم سيبكو من الاخت وفاء وخلونا في الضيف الكان معاها طبعا الضيف الكريم كان ( جمال البنا ) طبعا وطول الحوار مكنش على لسانى غير كلمة واحده اعذرونى انى اقولها وهى الله يلعن الشيطان معرفش ليه؟؟؟ ولا الحقيقه انا عارفه ليه السبب هو احساسى انو الشيطان هو الكان بيتكلم بجد والله ده احساسى طبعا الحوار تطرق الى قضايا كتير حقول شويه منهم واحكموا انتو على الشيطان ده :
اول قضيه هى قضيه هزليه وهى انك ممكن تبوس حببتك وانت يابنتى كمان يجوز ليكى هيصوووو ياولاد البوس حلااااااااااااال حسبي الله ونعم الوكيل محدش قالنا والله طب مش كانو يقوللنا من زمان انو حلال طب سيبكو من حتت الحلال والحرام اصل العملية ظاطط طب بابك طب مامتك طب اخوك طب والناس طب؟؟؟ بمناسبة بابا واخويا الحج جمال ( لعنه الله شيطانه) بيقول انو يجوز للمراة تتجوز بدون ولى ياله هيصووو حتجوزى وتقلبى ابوكى ياشيخه بلاش قرف ياعنى هو الهيجوز وبدون مهر ولا كلام فاضي ماانت رخصتى خلاص بوس وجواز بلا كرامة المرأة بلا يعرف انك غاليه بلا راجعيه انت هتقرفونا ده بالاضافه لانو الاخ غلط في اية التعدد وقال " وان خفتم ان تظلموا فواحده فالاخ اساسا مش حافظ الايه مفكر مفكر ياعنى من النهايه
لا والادهى والامر اول مره في كل الكبائر مش حرام مدام هتتوب ياعنى اعمل الذنب اول مره براحتك وبعدين تتوب وكلو بالادله احنا مبنكلموش اى كلام مهى اول مرة من اللمم الى قال القران اجتنبوا الكبائر بس الا اللمم واول مرة للمم اول مرة في الزنا اول مرة في شرب الخمر كلوووووو حلال لمم بقه حسبي الله ونعم الوكيل
الاهم انو المفكر الجليل يري انو العلمانيه حل وعلى الرغم انو وفاء زنقتو في زوايه طلع منها منظرو وحش اوى لما قالها هى الدوله هتقدم ايه لدين؟ قالتلو قول الدين هيقدم ايه لدوله مش العكس طبعا اتلخبط ووشو جاب الوان ومعرفش يرد ؛عسل انت والله يافوفو
وبصوا الجمال بقه والاستفزاز الى على اعلى مستوى :
الشيخ المفكر العالم المبدع اللمظبطنا شايف انو السجائر لاتفطر الصائم ويجوز شربها فى رمضان الناس كلهم بره بيحربوا السجاير وعاملين نعمل دعوة عشان الناس تسيب السجاير والشيخ بيحلل شربها في رمضان الهو شربها اساسا حرموا بعض العلماء لانو بيؤدى الى التهلكه اذكان البرفيوم " العطور" والبخور مبنستخدمهمش في رمضان لانها ممكن تدخل لجوف الصائم وتؤدى لافطاره لا بس هو صح ربنا حرم بس تلات حجات الاكل والشرب والمخالطه الجنسيه بس احنا هنزودو على كلام ربنا ايووووووووووة بجد هموت هيجرالى حاجه مش قادرة بس حسبي الله ونعم الوكيل
لا وعادى العايز يرتد يرتد براحتو" لا اكراه في الدين " مع انو ده لغير المسلمين انو منجبرهمش على دخول الاسلام بس المسلم لما يفكرفي الخروج من الدين يخرج بسهوله كده يبقه ديننا لعبه كده ؟
لا وكمان يجوز تصوير الصحابه في المسلسلات اصلو ليس لصحابه قداسه بجد هو قال كده ده ده قال انو الصحابه ملهمش قداسه لما دول ملهومش قداسه مين الى ليه ياحضرة المفكر العظيم؟؟؟؟
بس كفايه كده انا بجد حاسه انى هعك في الكلام وانا محبش انو مدونتى يكون عليها الكلام ده بس حبيت اشرككم وياريت تشركونى لانو بجد حاسه انو ده اخر الزمان معرفش ازاى ده تربي في نفس البيت الاخرج حسن البنا مع انى مش مع الفكر الاخونى بس الشيخ ده من اكتر الشخصية المحترمه ازاى يخرج اتنين من نفس البيت واحد يخلى الاسلام في السما وواحد يخلى الاسلام لعبه وهراء وعبث ازاى ؟؟
ربنا يرحمنا بجد