التاج علينا حق

أولا : أكتب عشر اشياء عن نفسك
1 عسل
2 سكر
3 شربات
5 بقلاووه
نحضر بقه طبق اليوم
انا بهزر
اصلي مبحبش التيجان وطبعا لى اسبابى الوجيه التى لا يتسع المجال لذكرها
حلوين البوقين دول
المهم
الله يسمحك يالى في بالى
1انا بنت مصريه لاسف والندم والعذاب عشت بره مصر طول 17 سنه من عمرى وكان نفسي ارجع ويارت ماكان نفسي لا انا بهزر طبعا انا مقدرش اعيش بره اسكندريه تانى اموووت
2شخصيه عصبيه جدا ونرفز اووووووى بس مش في اى وقت ولما بتنرفز بحس انى واحده تانيه
3حساسه اوى لدرجة انى فقدت ناس كتير اووى في حياتى بسبب حساسيتى البيعتبرها بعض الناس حساسيه زائده
4عنديه جدا ومبحبش حد يقولى حاجه واقولو حاضر لدرجة انو ماما بتقولى انت خلاص لغيتى حاضر من قاموسك
5بخاف اوووى وبدور دايما على الامان والاستقرار لانى محسيتيش بيهم حتى بعد ماااستقرينا في مصر معرفش ايه السبب
6طيبه اوى وانا مبحبش الصفه دى فيه لانو في ناس كتير بتعتبرها هبل وسذاجه بس متعلمتش ابقه شرانيه مع انو نفسي فعلا ابقه شرانيه لانو في ناس كتير وحشه
7بحب اووى الناس البعرفهم وبحطهم دايما الاول وانا بعدهم معرفش دى تعتبر جزء من الصفه الفاتت ولا حاجه تانيه
8دورت الصراحه مش لقيه في عيوب ملااااااااااااااك مش قادره اقولكم ولا بزاول صحابي ولا بقرفهم ولا اى حاجه
9مش عارفه بس اكيد في صفه تسعه
10انا اناالبينكم هنا رضيت بالعذاب لحد ماقلبي داب ولا شوفت يوم هنا انا
نهدى هذه الاغنيه الى الاهل والاحباب بطنطا وضواحيها وعلى المقيمن خارجها مراعاه فروق الاصوات وشكرا
اهدى هذا التاج الى خمسه
حازم سويلم
شباب اون لاين
اسرار انثى
ولكل واحد عايز يجاوب ومنصحهوش ممكن يسقط
ولكل البيدخلو المدونه ومبيعلقوش تعاطفك واحدو مش كفايه تبرع ولو بتعليق