حاجه تخنق قولت اخنقكم قصدى اشركم معايا

طبعا انا مليش في السياسه خالص مالص ومليش في اى حاجه غلبانه وماشيه جنب الحيط وبقول اللهم اكفنى شر البوليس وشر الوزراء ونواب الشعب وكل من ليه ظهر في البلد دى اعوذ بالله من أغضبهم او ازعلهم
طبعا ولمعلموتكم العامه انا مدرسه لأسف وللندم وللعذاب في مدرسه حكومى اى والله تصورو ياعنى في شغل مش بطاله زاى مبتقولو ياوحشين هى صحيح بعيده عن بيتى بحوالى 37 كم بس وايه ياعنى الحياه كفاح اهئ اهئ لو كنت اعرف انى بعد العلام التعلمتو ده كلو هيحصلى كده كنت اخدت دبلون وقعدت في البيت بس استنو ده والوزير الله يعمر بيتو عمار ما بعدو عمار بيدينى مرتب هووه هووووووه (دى مش هوهو لا دي تعبير عن العظمه ) حاجه كده ابهه ببشرق على نفسي وعلى بابى ومامى وأخواتى الصبيان والبنات والجيران ياعنى انا خايفه اقولكم على مرتبى تتصدموا وتحسدونى او ممكن تقروا عليا او تحقدون عليه طبعا اومال مش اى اى طبعا دى مقدمه بس عشان تكونو معايا فى الصورة شايفه واحد بهتان داخل الكدر يتصور معانا اطلع يابهتان الصورة بالالوان ماعلينا المهم طبعا انا دخلت مش عشان المرتب الكبيررررررر نوووو لا طبعا لانوو والف نو فى مدون عارف نفسو بيتهمنى انى ماديه نووو بص بقه انا دخلت التدريس عشان الرساله الساميه نعم رسالة العلم لا يكيل بالبتنجان طبعا هو ده شعارنا وعادى جدا انو زميلك ودفعتك ياأخد 3 اضعاف مرتبك عادى جدا هو ده حقو واقل من حقو بس المساواه في الظلم عدل المهم انا بس عايزه اتكلم عن سياسة وزارتنا المبجله والمتمثله في شخص الوزير يسري الجمل والى هو اصلا مش مدرس ولا عمرو دخل فصل مش عارفه ازاى ادولو الوزاره عشان هو مهندس يمكن جبوا يهندس الوزاره ممكن ياعنى احنا المطحنونين والتربيون الهرونا كتب تربوي مفيش ولا واحد فينا ينفع وزير
طب انا عايزه اسأل هو ياعنى ليه ممسكش وزارة الصحه مش كان اسهلو حتى كان هندس الممرضات شويه ولا مسك وزارة الرى مهو كوسه كلو ينفع لكلو سياسه الحزب الحاكم والاوحد اصل مفيش غيرو ياعنى شويه يحطو سادسه ابتدائى وشويه يقولو نوووو مش ينفع اصلا في اروبا والدول المتقدمه منفعش شويه يحطو ماده ابصر ايه ويشيل ابصر ايه على فكره التعليم في دو الخليج ومع احترامى ليهم الاحنا ومدرسينا الاجلاء علموهم ارقي بياما من عندنا واكثر قرب من الطالب وحياتو ماعلينا ده بالاضافه الى الفكره الجهنميه وبجد هى مش بس جهنميه دى شيطانيه وهى فكرت مايسمى (( البرتوفليو )) او ملف الانجاز وتطبيقه على الصفوف العليا الابتدائيه بل وامتداده للاعدادى طب يثبت نجاحو الاول وبعدين طبقوا
هذا النظام فاشل لانو بينجح الطالب دون اى مجهود وده لانو بيسمح للمعلم بأنو يتحكم في نصف الدرجه وده معناه تشغيل الدروس الخصوصيه على اكمل وجه وبينجح طلاب بجد مبيعرفوش يكتبو اسمائهم تخيلوا ده زائد انو مجهود مضاعف على المعلم المطالب بالشرح والالتزام بمنهج ومطالب بأكمال ملف الانجاز والى غالبا بيضع درجاته جوزافيا وبيملؤه بأوراق عديمة الفائده لانو المدارس الحكومى تختلف عن الخاص 180درجه
وبكده يكونو باظو اولدنا لانهم بيشوفو انو نص الدرجه في اديهم ده بالاضافه الى انى نفسي تنزل وتورنى المدرس المساعد الانت بتتكلم عليه المطالب معاونه المعلم الاساسي في اكمال سياستك التعلميه ويمكن هو الميزة الوحيده من ملف الانجاز او ما اسميه انا الاختراع انه اعاد للمدرسه والمدرس بعض من هيبتهما المفقوده
ولكن يسري الجمل الى اين؟؟
طبعا الوزير طلبت معاه عند في الناس وقال انو لازمن ولا بد ان التلميذ يروحو يوم عشرين والهو باقى على العيد 10 ايام قلنا ومالو وزيرنا وعايز مصلحتنا وعايز صورة المسلمين قدام العالم قل ايه هو الهيحسن الصورة مهندس بقه مش اى اى المهم هو انو الصف الرابع الابتدائى لم تنزل له الكتب حتى الان ولا كتاب طب السؤال لما انت لسه مخلصتش شغلك عملى فيها الوزير الصارم وصورتنا ومش صورتنا طب انا عايزه اسألك سؤال ياوزيرى العزيز صورتنا ايه قدام العالم والتلميذ بدؤ الدراسه والعلمين لا يعرفون منهج مرحله كامله ؟؟؟؟؟؟ ياريت تجوب هنا او فى اى مكان وانت صاحب اكبر رصيد من مقت الناس لك ولسياستك التربويه احنا بجد مش عايزينك مش بس لانو سياستك فشلت في ايجاد المناخ التربوى لانك مش من العمليه التعلميه مش ابن من ابناء كلية التربيه كلية المعلمين العارفين يعنى ايه تعليم مش شايفينو من برج عالى


مدرسه من وراء سور السجن قصدى المدرسه


ماء تشرين


وكل عيد وانتو بخير
واذكركم بقول الشاعرالعظيم المتنبى
عيد بأى حال عدت ياعيد
ودى حال بلدنا
واه يابلد