في عيد ميلاد مدونتى العزيزه كنت عايزة اكتب حجات كتير بجد بجد مبسوطه اوى انى اول مره اتعرف على ناس وانا مش شيفاهم اصلى انا بحب التواصل البصري ياعنى اشوف القدامى ويشوفنى بجد كان عالم جميل وكانت سنه جميله كنت بفرح اوى لما القى حد جديد بيعلق عندى مره اومرتين عرفت ناس مثقفه ومتعلمه بجد شباب وبنات بجد ياريت مصر كلها زيهم وفي ناس كنت فكرهم دماغ بس طلعوا زوبعه في فنجان حلوه" زوبعه "دى مش كده رقيقه اوى كلمات ناس وقسيه احيانا كلمات ناس تانيه مواضيع مدونتى كانت اغلبها شعر لانى بحب الشعر من زمان
انا سميت المدونه على اسم الكتاب الكان نفسي اكتب فيه اشعارى وبجد انا كنت توقفت عن كتابت الشعر -هو مش شعر شعر ياعنى بس هو خواطر- من تانيه كليه بس المدونه رجعتلى تانى اله الشعر احساس ممتع وانا بكتب كلماتى ممكن تلمس مواضيع مرت في حياتى او تجارب للاخرين اتاثرت بيها وبعض القضايا الكنت هموت وهطق لو متكلمتش فيها والتيجان النا بمبحبهاش وفي ناس بتغلس برضو وتبعتها
انا عرفت المدونات عن طريق صحبتى العزيزة الجميله قلبا وقالبا رودينا صاحبة مدونه الفراشه الصغيره وبهرنى العالم ده بجد بالحلو والوحش
وطبعا احلى الحلوين :
طبعا ولاد اسكندريه الجمال اخواتى : جوكر ومخو لاسع وباربى اصحاب مدونة شباب اون لاين وطبعا محمد صاحب حدوته واخته الجميله سمسمه هى متبكتبش كتير بس لما بتكتب بتكسر الدنيا
والقاهروين الجمال حازم سويلم وياسر صاحب حطام انسان مش عارفه هو من القاهره ولا منين عموما هو جميل بجد وطبعا مقدرش انسي سمسم بيتنا القديم من ارق المدونين بجد ربنا يباركله ودكتور عمر صاحب اجمل مدونه كلام من القلب وكمان احمد صاحب اسير الجراح قد ايه الانسان ده رقيق وغير فكرتى عن الرجاله بتوع مصر خالص وطبعا صباح الصباح المش عارفه اسمو لحد دلوقتى بس هو دماغو جامده اوى وصاحب احلى قصة حب من بتاع زمان الحب الجميل ساعد نسرين الايمن وكريم بهى ومجنووووون الهو مش مجنون خالص بيضحك علينا بس دى دماغه توزن بلد ونااس كتير اوووووووووووى بجد يارب مكنش نسيت حد وناس كتير بتابعهم في صمت يمكن لانى بحس انه ليهم اصحاب كتير زاى بطوط حبوب وآبي والتائب صاحب انا والحب ننتظركى وطبعا صاحبة اجمد مدونه عايزة اجوز وشيماء ضي القمر وموناليزا و تابعت مدونات بعض الصحفيين الثائر هشام دماغو حلوة بس عايزه شوية ترتيب واعادة تنظيم وواحده من اصحاب القمر وبنات صاحبه الجلاله بجد انتو احلى صحفيات في العالم
في الاخر بقولكم كلكم بجد شكرا من كل قلبي انى اتعرفت عليكم عن قرب او عن بعد وخاطبت فيكم عقلا ناضجه وفكرا واعيا متحضرا واشكر عالم البلجور لانه عرفنى بتلك العقول تحيه لكم من كل قلبي
ماء تشرين
هناك ١٠ تعليقات:
كل سنة وانتى والمدونة طيبين و اعقبال السنة 100 كافية قوى خلينا نعرف نحوش شوية
عالم التدوين معكى لنة شى مبهر جدا و بيشدك لية غضب عنك وتحسى انة عالم ما بينتهيش وكل شوية تفوجى انك لسة بتتعرفى علية و لسة فى حجات كتيرة لازم تعرفيها
و اجمل شى طبعا انة رجعك تانى لحاجة جميلة انتى بتحبية
و يا رب العيد الجاى تكون محققة الاى فى بالك
كل سنه وانتى طيبه اخ والمدونه كمان
هههههههه
وعقبال 1000698595446549854 سنه
واحنا كمان مبسوطين اننا اتعرفنا بيكى
وسعداء جدا
دا احنا نفخر ان معانا حد اسكندرانى
مد مد مد الاتحاد سيد البلد
وبما انك من اسكندريه فا اكيد هيجى يوم وهتقبلى الفريق ولا انتى مش عاوزه
(وش مطلع لسانه)
وانتى طبعا شفتى صورتى وعرفانى فا لو شوفتينى
فى شارع 45 اصدتينى بيبقى معايا مخ لاسع
واقول تانى كل سنه وانتى والمدونه الجميله دى طيبين ومستنين منكم حجات جديده كتيييييييييير
سلام يا احلى اسكندرانيه
فى رعايه الله
joker
احنا اللى بنشكرك ماء تشرين
لانك اول من ساعدنا و كنا بنعمل حسابك لما بنيجى ننزل حاجه جديده
و انتى من اول التعليقات اللى وصلتنا
كل سنه و مدونتك بخير
كل سنه و ماء تشرين بخير
--------------------------
كان معك من امام الكيبورد
واحد مخه لاسع شويه
شبـــ اون لاين ـــاب
الاسكندريه
--------------------------
نونا
مرسي ياقمر ياقمر ياقمر
ربنا يخليكي يارب
يارب متكونش اخر زياره
------------
شباب اون لاين
جوكر
ياقلبى كل ده وهو انا هعيش كل ده دا انا عندى 24 سنه ياعنى ياله حسن الختام ربنا يخليك يارب
الصراحه مش عارفه لو شوفتك هعمل ايه بس اكيد هضحك مش عليك طبعا ياقلبى بس عشان هبقه عرفاك وانت مش عارفنى ياعنى لو شوفت واحده ماشيه بتضحك في الشارع متقولش دى عبيطه روح جنبها كده وقلها اوششششششش انتى البالى بالك ده السيم واوعدك انشاء الله هقبلك يافي اقرب قسم ياققرب مستششفى قولى المبره احسن ولا الاهرام بجد ربنا يخليك كده ليه يارب وانت طيب
سلااااااااام
السلام عليكم
كل سنة وانتى طيبة ومدونتك متألقة وفى تقدم دائما
واحنا اللى المفروض نشكرك على المواضيع الجميلة اللى بتكتبيها
واللى انا شخصيا بستمتع بكتير منها
وانا والله نفسى اتعرف شخصيا بيكى وبرودينا بما اننا فى بلد واحدة
وربنا يسهل وينفع نتقابل قريب
صحيح انتى قصدك مين بالناس اللى بيغلسوا ويبعتولك تيجان
وبعدين بتجيبى سيرة اختى فى المدونة انتى مش عارفة ان احنا صعايدة وممكن الكلام ده تطير فيه رقاب
عموما سماح المره دى بس عشان عيد ميلاد المدونة
يعنى لا شوفنا تورته ولا حاجة ساقعة ولا اى منظر
انتى بخيلة ولا ايه
اصل كدة يبقى كتير بخيلة ومادية فى نفس الوقت مينفعش
سلالالالالالالالالالالالالالالالالالالالالالالالالام
شباب اون لاين
واحد مخو لاسع
وانت طيب يااحمد يارب ربنا يكرمك بجد مش عارفه اقولك ايه انا حسه انكم خواتى بجد وبحبكم قد الدنيا
-------------
"حدوته
كل سنة وانتى طيبة ومدونتك متألقة وفى تقدم دائما
وانت طيب ياسيدى وربنا يخليكي ياسيدى يارب وميحرمناش منك
"
"واحنا اللى المفروض نشكرك على المواضيع الجميلة اللى بتكتبيها
واللى انا شخصيا بستمتع بكتير منها"
كتير منها اممممممم مش كلها ياعنى
وش بيطلع دخان
"وانا والله نفسى اتعرف شخصيا بيكى وبرودينا بما اننا فى بلد واحدة
وربنا يسهل وينفع نتقابل قريب"
طب ليه الاذيه دى ماكنا كويسين انا بس خايفه عليك تتصدم من حلوتى طبعا
صحيح انتى قصدك مين بالناس اللى بيغلسوا ويبعتولك تيجان
لا لا اوعى تفهمنى صح
وبعدين بتجيبى سيرة اختى فى المدونة انتى مش عارفة ان احنا صعايدة وممكن الكلام
ده تطير فيه رقاب
أخر مرة ياسعادة الباشا بس ابقى سلمللي عليها مش كفايه حطت مدونتك عندها بالعافيه ايه الدكتتوريه دى
عموما سماح المره دى بس عشان عيد ميلاد المدونة
بتفكرنى بعفو السيد الرئيس عن ابراهيم عيسي
يعنى لا شوفنا تورته ولا حاجة ساقعة ولا اى منظر
انتى بخيلة ولا ايه
اومال التورته التسع ادوار الانا حطاها على المدونه دى ايه للفرجه مثلا
اصل كدة يبقى كتير بخيلة ومادية فى نفس الوقت مينفعش
وربنا انت ظلمنى ده انا كريممممممه جدا ومش ماديه خالص والله ده انا من المليكه المشيه على الارض
سلااااااااااااااام
معقول انا اتاخرت اوى كدة
اشكرك جدا على الكلام الجميل المكتوب
انا اسمى محمد وفى القاهرة واعمل بشركة بترول اجنبية
بس كدة
يا ترى بقى انتى مين؟
الصباح الصباح
بس كده نسيت تقول السن والحاله الاجتماعيه
هههههههههه
بهزر معاك بجد اصلى مش كنت عارفه اسمك بس والله
عموما متشغلنا معاك
صحيح معايا تربيه بس بحب البترووول اوى والله
وبموت في الاجانب
شوفلى كده واسطه
سلام
كل عام وانتي ومدونتك بالف خير
ومبروك عليج عيد ميلاد المدونه
وانشالله تكون لج هالمدونه دايما
الميناء المريح
والاستراحه الهاديه
اللي تبعدج عن متاعب الحياه :)
كل سنة و انت طيبة ومن فرط رومانسيتك جعلت عيد ميلاد مدونتك يوم عيد الحب
تقبلين صديق جديد لقلمك
تحياتي
إرسال تعليق