قد يبدو عنوان غريب ولكنه عنوان احدى خواطرى والموضوع يبحث في اتجاه اخر ولكنهما يلتقيان في
رافد واحد وقضيتى تبحث في اعماقي وأعماقكم وتسأل سؤال الحيارى
ماذا حدث في مجتمعنا لم يعد الرجل يشعر ان هناك جنس اخر يختلف معه في النوع ويتفق معه في
الهموم يختلف في طريقة الاحساس ولكنه يتفق معه في احساسه بالخوف من الواقع
مشهد يومى
امراءة تخرج الى العمل تحاول ان تركب مواصله عامه والدنيا زحمه يااتى رجل يركب الى جوارها وكأنه يجلس الى جوار رجل اخر وكلمتين حلوين جتكو القرف نزلتو تشتغلو تقسمونا في لقمتنا طبعا انا نقيت كلمتين حلوين اصلى مش ينفع اقول كلام البيتقال من الرجال الكبار الفي عمرى ابى او جدى وبالمناسبه جرى حوار بينى وبين احد الزملاء والذى كان يجلس على احد الكراسي وانا اقف الى جوارة وجارى حوار عادى
انا : لماذا لا تقوم لى لانى امراءه وهو راجل
هو :هو انتى مش بتشتغلى زيك زاى
انا : اه بس ده ملوش علاقه بالشغل ده ليه بالذوق انو الرجل هو البيتحمل المشاق
هو : وانتو ايه الخليكوا تطلع تشتغل
انا : هى المدام مش بتشتغل سؤال خبيث لانى كنت اعلم انها بتشتغل
هو:اه بتتنيل
انا:وبتديك المرتب
هو:اعوذ بالله بتصرفو على نفسها انا مخدش فلوس من ست الا ايه
انا:طيب ياعنى شيله عنك مصريفها
هو:وانت عايزنى كمان اصرف عليها
هى دى نظرت الراجل الى المراة العامل انو انت زيك زاى ياعنى اقعد جنبك ازحمك وتزحمنى عادى جدا
وفي الاخر مش عايزين تحرشات
طبعا مهما كان المراه مراءه والراجل راجل
مش معنى عمل المراءه انها تصبح مستباحه ملهاش حق انها تكون انثى وعامله لا لازم تختار يتتنازل عن انوثتها يا تتنازل عن عملها
تعالو نشوف الستات
الست بتنزل تشتغل لانو الحياه صعبه ومش هكلم عن المرتبات بالنسبه لغلاء الحياه طيب دول اصحاب العائلات على اساس انو الست البتجوز بتتقلب راجل ماعلينا
البنت البتشتغل انا عن نفسي مش هقولك ابن كيانى زاي مابيقولو انا بنزل بجد زى بنات كتير لانى عايزه احس بالوضع الاجتماعى ياعنى ان انجلش سوشيلتى ياعنى احس انى كائن يعيش ويتعايش ياعنى فى حد بيتفاعل معاك غير التلفزيون وجهاز الكمبيوتر لانك طبعا بتبقى لوحدك في البيت طوول اليوم والاخرون في المدارس والجامعات والشغل
في حاجه كمان مهمه جدا انو لما بتقعد فتره في البيت بتحس انك جاهل متخلف عقليا ففي راى المتواضع انو الانسان داخل المجتمع بتكون مداركه اكثر تفتحا وتقبل للجديد
ده زائد انو قعد في البيت مش بتصرف على نفسك ياعنى ولد بنت هيقول لبابا هات المصروف بقه شكلها بايخ اوى ياعنى هما علموكى كل ده وفي الاخر هات مصروف
المهم انى كنت عايزة اتكلم عن الاختلاط في المجتمع بالنسبه للعمل والسبب تبلد عام في الذوقيات المصريه للراجل والست المصريه اصبحت المراه بسبب معامله فظه من الرجال عقاب لها لانها قسمتو لقمة عيشو زاى مبيقول "هو" بقيت راجل وارجل منو على الرغم من ملامح الانثى في وجهها وجسدها ولكنها يجب ان تصارع للبقاء والرجل اصبح يخشي على نوعه من الانقراض - مثل الديناصورات - داخل مكاتب العمل فقرر ان يلقنها درسا عظيما على الرغم من ان اخته عامله ووالدته عامله وزوجته عامله ولكنه ينسى او يتنسي ذلك لانه تربي كالطاوس نافش ريشو فاختلط الحابل بالنابل
ابحث داوما
عن صك غفرانى عنك
دعنى اتنفس
دعنى اشعر انى كيانا
انى امراءة
انى انثي
لماذا دوما تبحث عن رمادى
تجردنى دوما من ملابسي
من نفسي
من كل ما ملك
ياحبيبي
انا
حبيبتك
واقسم بحبى لك
احبك
دوما
لماذا تجعلنى خواء
لكى اعود
انا هنا لم اذهب
لماذا تجعلنى
في كل يوما
قصيدة عشق منسيه
قصة حب
تبدئها
بكل الانانية
تنهيها
بنفس الانانيه
ومازلت رغم كل ماكان
ورغم كل ما سيكون
اشتاق اليك
لغفوة بين ذراعيك
اتعبد في محرابك
كل يوم
نعم احبك
ايها المغرور
هناك ٩ تعليقات:
السلام عليكم ورحمة الله وبركاته
انا لحد دلواتى مقبلتش وحده شفتنى وضحكت
ههههههههه
بوست جميل جدا
بس فى حاجه
انا المراءه تشتغل ده عادى
لو بتفيد الناس
وغير كده تبقى من الشبات اللى
حديثه التخرج تبقى فهمه اصول الشغل
والتطور وكده
مش اللى بيشتغلو ويخللو للابد
احنا عاوزين اللى يشتغل يحقق احلامه
ويتقدم بالبلد
ولا ايه
اما عن اللى مش عاوز يصرف على مراته
دا ايه يعنى هو هيصرف على حد غريب
وبعدين دى مراته يعنى ملزومه منه
الناس جلها هسهس خلاص
ربنا يستر علينا
فى رعايه الله
نعم
أنتي امرأه
وسيدة النساء
ولكني شرقي
ولدت وتربيت في العالم العربي
حيث صوتكي عوره
ويديكي عوره
حتي ثيابك عوره
تربيت اني سيد
وأن النساء أماء
ولابد لهم من حظيره
ولابد لقلبهم من سجن
حرام عليهم الحب
حرام عليهن الحياه
هذا ما تعلمناه
حيث التخلف لغة
والقهر ملك
والحريه
كلمة غربيه
لم أسمعها مطلقا تنطق
ولم أجد لحروفها ترتيب
في لغتنا العربيه
لغة القمع والقهر
والوحشيه
لغة الأدب والتابوهات
وحلم الخلود
وأرض الميعاد المنسيه
رائعه
تقبلي كلماتي
أخوك
والله عندك حق يا منونه
فى كل كلمه بتقوليها
طبعا انا مش هتكلم على كميه قلت الذوق اللى واحد بيشوفها فى المواصلات
بس على فكرة يا امنية الموضوع دلوقتى بقه بيشمل راجل وامرءه
يعنى حتى لو وقفت جنبك واحده
تقرفك فى حياتك علشان تقومى وتقعد مكانك
غالبا الناس كلها بقى فيها حاجة غلط
مبقاش عندهم ذوق
ولا الموضع بقه عدم تربية على الاخلاقيات السليمة
مش عارفه صراحه
السلام عليكم
شوفى يا بنت الناس وعشان منخسرش بعض
انتى داخلتى فى موضوع قرفنى فى حياتى
وانا هقولك رأيى بصراحة ومن غير لف ودوران
انا شايف ان الست ملهاش غير بيته
وان خروج الستات للعمل من اسوء الحاجات اللى حصلت فى البلد
وان لو بكرة مثلا كل الستات اللى بتشتغل مرحوش الشغل حاجات كتير قوى هتتغير للأحسن
وبعدين انتم النهار كله تتكلموا عن المساواه فى الحقوق بين الراجل والمرأه
وان مفيش فرق بين الراجل والست
لكن فى المواصلات المفروض احنا نسيبكوا تركبوا الاول على اساس انكم بتشتغلوا واحنا بنلعب
ولو راجل راجع من شغله وتعبان وست راجعة وتعبانة برضو المفروض الراجل يقوملها عشان هى اللى تقعد
المفروض انتى لما قررتى تنزلى الشغل عشان زهقانه من قاعدة البيت او عشان دماغك متصديش او لأى سبب
خلاص تتحملى اعباء الحياه زى ما انا متحمل
ومتطلبيش ان يكون ليكى وضع خاص
انا عايزك تفكرى من وجهة نظرى وتحطى نفسك مكانى
انا كل يوم الصبح ببقى واقف مع حوالى خمسين ستين واحد مستنيين ميكروباص
واما واحد بييجى الكل بيجرى عشان يلحق يركب وطبعا فى ستات بتبقى واقفة فى النص
هل انا المطلوب منى كل يوم اروح الشغل متأخر عشان هما يروحوا فى معادهم
او انزل ساعة بدرى عن معادى عشان اسيبلهم فرصة يركبوا
ردى عليا وقوليلى اعمل ايه
وبعدين المشاكل الزوجية بدأت تكبر وتنتشر لما الستات بدأوا يشتغلوا ويجيبوا فلوس عشان كده طلعلهم حس
عشان كده المفروض الست تقعد فى البيت مش عشان الراجل يصرف عليها ويزلها
لان ده واجب عليه وده برضو حقها
يعنى هو اللى يشتغل ويصرف وهى اللى تربى العيال
وده دور ميقلش فى اهميته عن دور الراجل بالظبط يمكن يكون اهم كمان
وعلى فكرة فى ظاهرة دلوقتى بدأت تنتشر بين الشباب وهو الزوجة ست البيت
وانا شخصيا مع الظاهرة دى يعنى إنشاء الله لما اتجوز مش هشغل مراتى
لان اللى ميقدرش يصرف على بيته يخليه جمب امه احسن
مش عايزك تزعلى منى
الاختلاف فى الرأى لا يفسد للود قضية
سلالالالالالالالالالالالالالالالالالالالالالالالالالالالالالام
شباب اون لاين
جوكر
لا مهو انا مهوبتش نحية 45 اول ماافضى بس اوعدك
انا معاك طبعا انو الواحد لما بيطول في مكان مبيبقاش عندو جديد يقدموا بذات انو بعض الاعمال بتحتاج الشباب اكتر
اه جلهم هسهس والله
--------------------
الشريد
اهل بيك بجد منورنى
وعندك حق جميله اوى كلماتك
هى المشكله فعلا انو الراجل اتولد وهيموت بالنرجسيه الزرعته فيه امهتنا
الكانو فاكرين انهم بيربو رجاله مش علىهم وانما على الرجاله الزيهم لانو الراجل بيثبت رجولتو مش على المرأة زى مهو مفهوم وانما لما يخد حقو من الراجل الى زيو
واشكرك تانى على زيارتك واتمنى متكونش اخر مرة
----------
الفراشه الصغيره
رودتى
اه مهو احنا في الهوى سو ياجميل وربنا يرجعلكم الكمبيوتر بتاعكو سالم غانم يارب
-------------
حدوته
عزيزى طبعا مفيناش من زعل خالص
وانا بطرح الموضوع عشان اعرف افكركم وانا معى المثل القائل انو راى صواب يحتمل الخطأ وراى غيري خطأ يحتمل الصواب بس تعالى معايا كده نفند كلمك حته حته انا شايف ان الست ملهاش غير بيتها
وانا معاك طبعا المهمه الاولى للمراءه البيت وهو في احلى من قعدت البيت يسلام بس تعالى معايا الستات نوعين متجوزين وغير متزوجين
تعالى بقه نشوف الست المجوزه ياعينى وعندها بيت واولاد وزوج لازم تراعهم وهى بتشتغل طب ياترى بتشتغل ليه ترفيه بتبنى كانها ؟ انا متأكده انو لا هما بيشتغلو لانو سورى يامحمد مدرسه الولد الفي الكي جي بتدفع ليها 7 مش 7 جنيه ولا 700 دى بتدفع 7 الاف جنيه عشان تعلم ولادك تعليم نظيف ويطلعو بنى ادمين لانو المدارس الحكومى وانا اكتر واحده عارفه مش زاى زمان دى بس مصاريف مدرسه مكلمناش عن الاكل والشرب والعيال لازم يروحو نادى عشان ميبقوش معقدين طبعا انا بكلمك مش من برج عالى وتقول انا اتربيت كده لا والله بس بجد الحياه اختلفت والزمان بقه وحش ياعنى انا لو عندى اولاد مش ينفع ابدا انزلهم يلعبو في الشارع زينا لا طبعا الشارع بقه مكان للوحوش والله مش ببالغ
ده بالنتسبه للست المتزوجه غير المتزوجه بقه تقولى بتبنى كيانها لا والله مش بناء للكيان تعالى مع بعض نتكلم بمبدأ مادى لانها دلوقتى بقيت كل حاجه ياعنى البنت تقعد تستانى مصروف من بابها ولى هو لو اداها النهارده مش هيديها بكره مهو الوضع بقه صعب انا مش بكلم عن ناس فقر انا بجد بكلم عن المتوسطين مبالك بقه بالفقراء طبا ممكن في حاجه تانيه لا وكمان الاعلى من المتوسط طب انا بقه بتعلم ليه لو هقعد في البيت عاله على والدى او جوزى
وبعدين المشاكل الزوجية بدأت تكبر وتنتشر لما الستات بدأوا يشتغلوا ويجيبوا فلوس عشان كده طلعلهم حس
انت بتقول انو مكنش بيعلى صوت غير صوت الراجل والست لما بقت بتجيب فلوس بقت تستغنى عن الراجل لا طبعا بنات الناس المتربين مبعملوش كده الزوج مازال عندهم شئ مقدس ومعلش كل بنت بتعامل زوجها زاى ماكنت امها بتعامل ابوها يعنى عمرك مهتلاقى بنت متربيه تعلى صوتها على جوزها ولا تتخانق معاه دى نظريتى
موضوع المواصلات انا مش بقول انك تقم لها لكن حاول تتعامل معاها على انها ست مهى الست ست والراجل راجل بطبيعت تكوين جسديه ياعنى هى اتحملت فقو طقتها الجسديه ومعلش ياعنى اتحملت انها تجيب اولاد اعتقد مفيش راجل في الكون ممكن يبدل دورة بدور الست ابدا يبقه متقولش زايها زاى
وانا طبعا مع انو كل راجل بقعد مراتو بس على فكره كده مش هيبقه في دمغها حاجه غيرك انا اعرف واحده كانت في مشاكل مع جوزها كتير جدا اتول ما اشتغلت الدنيا بقت بنبي فسالتها قلتلى مكنش ورايا غيروووو
ربنا معااااااااااااااااك
السلام عليكم
يعجبنى فيكى سعت صدرك وتقبل الاخر
انا معكى فى كل اللى قولتيه
بس دلوقتى انتى عارفة انا بشوف الام والاب وهما مثلا بيختاروا عروسة لأبنهم او بيحاولوا يقنعوة بعروسة
يقولوا يابنى دى شغاله وهتساعدك فى المصاريف
او على الاقل هتشيل حمل من عليك
او زى مانتى بتقولى هتبقى مشغولة فتريح دماغك
بدال ما تبقى فضية ومورهاش غيرك
بقت هى دى النظرة للست الشغاله
يا امة تجيب فلوس وتساعد فى البيت
يا امة تبقى مشغولة فمتزهقش جوزها
بزمتك انتى شايفة ان المرأة تستاهل كده
سلالالالالالالالالالالالالالالالالالالالالالالالالام
حدوته
اولا اشكرك على الاطراء ده طبعا بتقبل الاخر خالص
واسال عنى
اولا قول لا اله الا الله مينفعش تقول بذمتك لانو ده نوع من انوع الشرك بيسمى الشرك الاصغر وهو الحلف بغير الله
انا عارفه انو المصريين كلهم بيقولو الكلمه دى بس دى كلمه بتودى في داهيه ياله قول تانى لا اله الا الله
ثانيا
انا طبعا معاك معاك انو احنا اتظلمنا اوى من المجتمع ومن التطور ومن كل حاجه بس اكيد في مخرج وأكيد ده مش شكل الزوجه النتمناه كنساء ولا انتو تتمنوه بس لكل زمان نساء
بصي انتي تتطرقتي موضوع حساس
جدا وغاية في الاهمية
سئلت اصدقاء كتير اية مفهوم الرجولة من
وجهة نظر سيادتك يقولي الراجل راجل والست ست
طب ازاي هو كدا الراجل راجل بسكت من الصدمة
الا انا اعرفة ان الراجل بيقوم للست ويسبلها الكرسي
شغالة مش شغالة مش شغلة هو هيناسبها الادب
والزوق والاخلاق والتربية بيقولوا كدا
ما هو محبش يقوم قاصد تحرشات العقل والمنطق بيقولوا
كدا مش حكاية بتقسمونا في رزقنا وغيرة
بصي من الاخر 90في المية بيشوفوا زوجاتهم
خادمات ليهم وبس علشان تنول رضا سي السيد
ومبيحترمشي رائيها ولاا يتشاور معاها في اي شي
يا ستي مش هينقرضوا الرجالة ولاا حاجة
بس حب السيطرة حب البقاء الحاكم الامر
والست بيعتبرها زي اي كماليات وخلاص
او بمعني اصح عنصرية
وكتير من الازواج الا بيحرج علي زوجتة تنزل من البيت
او تشتغل اخواتهم البنات بيشتغلوا عادي وطبيعي
بالنسبة لة
تحياتي
عادل
المفروض نغير مفهوم الرجوله عند اولدنا لانو خلاص الشباب مفيش فيهم فايده لكن الامهات لازم يربو ولادهم انو الرجوله دى قيمه اكتر منها لقب وافعال غير منطقيه
اشكرك سيدي الفاضل
إرسال تعليق