وانتو مالكم

استفزنى اوى الصراحه الحوار الحصل امبارح في برنامج 48 ساعه في قناه المحور عن النقاب وكنت عايزه اكلم في الموضوع ده لانه بجد الرغى في الموضوع ده بقه كتير وبقه رغي يقدح ( يعيب ) في النقاب نفسه وهو منه طبعا برئ خلينا نتفق بدايه على انو النقاب سنه مؤكده وطبعا السنن المؤكده ياجماعه ترقى الى حكم الفريضه لاننا لو نعرف شويه في الدين هنعرف انو الفريضه يليها في التنفيذ السنه المؤكده زاى صلاه الفرض وصلاه السنن المؤكده بعديه ربنا فرض الحجاب وسن النقاب خلينا نبعد عن المهاترات في تفسير النصوص واقوال العلماء لانها ياعنى النصوص اشتكت من كتر ما الناس اتكلمو فيها خلينا نتكلم عن طبيعة المجتمع وطبيعة الوقت الاحنا بنعيشه ولازم نعرف ومش بس نعرف نؤمن ايمان لا يخلطه شك انو الاسلام صالح لكل زمان ومكان

وانا اولا عايزه اتكلم عن مقارنه بسيطه بين الحياه في دول الخليج وده مش لانى شوفتهم من بره ومش بكلم زاى بعض المدونين الراحوا السعوديه اواى دوله خليجيه مره واحده وافتكروا نفسهم خلاص او سمعو عنهم من بره انا عشت في المملكه 17 سنه من حياتى عارفه كويس طبيعه المجتمع ده طيب المصريات عايزين يلبسو النقاب زى الخليجيات وطبيعه مجتمعهم غير مهيئه اصلا للبس النقاب ليه تعالو نشوف مع بعض صوره من الحياه في المملكه

اولا في المطار طبعا انتى منقبه طب هما عايزين يتاكدو منك بتدخولى بكل احترام غرفه موجود فيها سيدات عادى جدا بشعرهم زاى الانته بتشوفوهم في الشارع مش محجبات وبيتعرفو على شخصيتك وبيحطوا ختم على جواز السفر انه دى هى نفسها الفي جواز السفر

صوره تانيه في المدرسه انا بدخل المدرسه بمجرد دخولى بعيش حياه طبيعيه جدا جدا زاى البنات المش محجبات هنا في مصر حياه طبيعيه جدا ياجماعه الحياه هناك مهيئه لمنقبات انهم يعيشوا ومجتمع فيه نفس البلاوى الفى مصر اوعو تفتكروا انو مجتمع للملائكه يبقه احنا منعبش في النقاب ولكن نعيب في القلوب المريضه البتستغل شرع الله في ما لا يرضاه ؛

تعالو بقه نبص لمصر ولازم نسلم قبلا انو النقاب اصلا كان موجود في مصر وانو اول من خلعت النقاب والحجاب كان زوجه سعد زغلول السيده صفيه زغلول ومنقولش بقه انو النقاب ده مكنش موجود في مصر عموما بلاش نقلب في الدفاتر وبس تعالو نبص على وقتنا المنقبه متهمه دائما بالتشدد وانه في احتمال تكون راجل وانها ارهابيه وانها اخونيه مع انوالاخوان الرجاله مش بيربو دقونه اصلا ماعلينا وانها ممكن تسرقك من غير ما تحسي وانها مستخبيه من حاجه وايه السجن الانت حاطين نفسكم فيه وانتو مالكم هما حريين و والله اغلبهم اخوات فاضلات بجد وبنات متربيات وفي حالهم الا قله طبعا عشان متفتكروش انى بديلهم صوره ملائكيه بجد انا شيفه مصر بلد غير مهيئ لحياه المنقبه ولممارسة حياتها الطبيعيه لكن المش فاهمه ليه الحرب دى على النقاب ليه بتحربوا واحده محترمه ارتضيت انها تحترم نفسها قبل ماتحترم الناس ليه شيخ الازهر نصب نفسه ولى على المصريين مهم خلاص بقو ملطشه ل اليسوى والى ميسواش ( شيخ الازهر ) بجد يخساره مش عايزه اقول فين الرجاله عشان هما بجد اختفوا

طبعا انا عايزكوا تفهوا كويس انى مع النقاب جدااااااااا واتمنى في يوم من الايام اكون منقبه بس معترفه تماما انو البيئه المصريه والمجتمع المصري الموجود دلوقتى بيئه غير صالحه للحياة المنقابات وده طبعا للاسف لاننا بنعيش في وقت مفهوش اى احترام لحريه ممارسه الشعائر الدينيه وانو كل بلد ليه طبعتو وياجماعه ده مش غلط انا مشوفتش منقبات في مسلمات الهند( 99 مليون مسلم ) ولا باكستان طبيعة بلدهم كده المهم نفسي المصريين بجد يسيبو الحجات الصغيره دى التتنقب تتنقب ياناس هى حره واحده وعايزه تلتزم انتو مالكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شعب حشري صحيح

بجد ارحمنا بقه ياشيخ الازهر ارحم اهلينا من الفتاوى بتاعتك بجد حرام عليك في قضايا اهم المجتمع انتشر في السرقه والزنا والفساد وانت بتدور على ازاى تحارب النقاب بجد كفاااااااااااااااااااايه شوفلك حاجه تنفعك بقه .........