ربو عيلكو بقه ؟؟؟؟؟؟

بجد بجد لا تعليق على الصور النشرتها الدستور غير بجد ربو عيلكو هو ايه البيحصل ده الحمد لله انى مش بنزل في العيد بس بجد دى بقت مهزله الكارثه بقه انو دول عيال سنهم صغير اوى 11 12 13 سنه ياعنى دول هيعملو ايه لما يكبر شويه هيكلو البنات انا بكلم جد هيعملو ايه انا مصدومه لانو الظاهره دى بقت العادى والشباب دول هما هما الكانو بيشجعو مصر ورسمين الاعلام هو في حد هيحترمكو وانتو بتعاملو في المصريات بناتكو عرضكو وشرفكو بشكل ده واوعى تقول مليش فيهم انا معنديش اخوات بنات طب معندكش ام تضمن منين متخلفش بنات انا مش عايزه اطول في البوست ده عشان المشكله بقت صعبه ياعنى انا فكره زمان كانت المعاكسات دى كانت حاجه سكر كده هزار وكلمتين حلوين بس البقه بيحصل دلوقتى بقه موضوع كبير والكارثه انه لو من شباب كبير مش عارف يجوز وده مش مبرر بس هقول معلش لكن اي ده دول صغيرين بصراحه متربووووووووووووووش ومن النهايه ومحدش يزعل انا بعتقد انو الامهات والأباء مبقوش بيربو عيالهم او من الاخر بقه بيدو لأولادهم الذكور الحق بالخروج والسهر وانو لما يعاكس بنت ممكن قدم بابا اومامتو متقولوش بيعمل ايه راجل اومال هيبقه راجل ازاى اذا ممدش ايدو على بنت من بنات الناس متقولوش البنات هى البتلبس وبتعمل ياعنى الانا شيفاه في الصور بنات عاديه خالص محجبين ولابسين جوب ياعنى بنات عادين مش مستفزين لرجوله بتاعتهم ولا حاجه الصراحه لازم يعملو في العيد يوم للرجاله ويوم للبنات اه ده اقتراح عشان الامن ياانتخ برحتو بردو ويعرف يعيد واى راجل ينزل من بيته يوم البنات يسحلوووووه علطول ياعنى انا العرفه انو العايز ياعنى في ( بنات لسيكو سيكو ) يعيشو معاهم حياتهم بس بنات الناس ليه ودى حاجه معروف ياعنى عايز تتسلى ويمد ايده ويمد رجله يروح يدور على البنات دى لكن البيحصل ده بجد لا يقبله دين ولا أخلاق وكل عيد ومصر مش عارفه تربى عيالها ومش عارفه هتروح على فين لا امان ولا احترام لا جوه ولا بره والا ايه زعلين من الجزائرين انهم ضربو البنات كفايه كده انا حولت استخدم اكتر الالفاظ المؤدبه العندى